Transcription
1
Reçue à Grenoble, le 19 mars 1573.
2
Monsieur, mon filz et ma fille de Lengière m'ont faict entendre la peyne où ils sont
3
pour la detention de leurs enfans lesquelz sont entre les mains des huguenotz dans
4
Villeuveufve de Bere, ce qui me mect en grand peyne et facherie. Javoy pryé monsieur
5
de Roisse, bon parant et afectionne amy de mon filz d'Ourche et de moy, de sacheminer
6
jusqu'audit Villeneufve pour emploier son credict et faveur envers le capitaine
7
Baron, son beaufrère, pour la dellivrance desdits enfans ; ce quil ma accordé
8
proveu que se soit aveq votre bonne volunté et di congé, qui me faict vous
9suplier très humblment, monsieur, quil vous plaise [barré : luy ] macorder ung passeport
10
bien ample, car ledit sieur de Roisse ne voudroit sy acheminer autrement pour
11
hoster la doubte que lon pourroit concevoir que ce fust pour autre esfaict, vous
12
asseurant que si ce nestoit pour le desir quil a de faire plaisir à mondit filz, moy
13
et pour tout ce quil nous apartient, il seroit de beaucoup plus aise de
14
ne bouger de sa maison ; et pour ce que la faire requier dilligence, jay suplié
15
ledit sieur de Roisse de s'y acheminer presantement, masseurant de tant de votre bonne
16
volunté que vous maccorderés ledit saufz conduit, lequel je vous supplie très humblement,
17
monsieur, menvoyer à la première depesche que ferés à monsieur du Rousset ;
18
cependant, je suplieray Notre Seigneur
19
monsieur, quil vous doint en très bonne santé heureuse et longue vie. A Saint-Gervais, le
20
XVIIe mars 1573
21
Votre très humble et bien affectionnée à vous faire service
22
Loyse du Fay
23
Madamoyselle d'Hourche notre fille a heu trois accès
24
de fieuvre tierce, mais jespère que ce ne sera rien
25
pour ce que le dernier n'a pas esté fort grand. Elle
26
et moy vous baisons très humblement les mains et à
27
madame.